Dezinsektim mushkonjash në Tiranë dhe gjithë Shqipërinë

Mënyra e trajtimit

Metoda	Gjejmë dhe largojmë çdo ujë të ndenjur — aty shumohen; në ujërat që nuk hiqen dot (puseta, kanale) vendosim produkt biologjik kundër larvave, të padëmshëm për njerëz, kafshë dhe bletë; gjelbërimi i ulët, muret me hije dhe nën verandat trajtohen me produkt me efekt të zgjatur, sepse aty pushojnë mushkonjat ditën; mjegullimi me atomizator bëhet vetëm në mbrëmje, për evente ose kur ka shpërthim — jo si rutinë, se nuk lë efekt.
Ku trajtojmë	Oborre, kopshte, gjelbërim, puseta, bodrume me lagështi, verandat dhe tarracat e hoteleve dhe restoranteve.
Sa trajtime	Sezoni prill–tetor. Trajtimi i gjelbërimit ul kafshimet ndjeshëm për rreth 4 javë → përsëritje çdo 3–4 javë; produkti kundër larvave në puseta çdo 4 javë. Për hotele dhe restorante: kontratë sezonale.
Produktet	Produkt biologjik kundër larvave dhe produkte me efekt të zgjatur për gjelbërimin. Produkte profesionale të BE-së, të regjistruara në Shqipëri për shëndetin publik — nuk shiten për përdorim shtëpiak dhe aplikohen vetëm nga teknikë të licencuar. Emri tregtar, lënda aktive dhe sasia shënohen në certifikatën DDD që merrni pas çdo trajtimi.
Para trajtimit	Zbrazni dhe mbuloni enët me ujë (pjata vazosh, kova, goma), mbuloni pishinat e fëmijëve, ushqimin e kafshëve, lodrat dhe rrobat e nderura; mbyllni dritaret gjatë mjegullimit.
Pas trajtimit	Mos prekni gjelbërimin derisa të thahet (2–4 orë) dhe mos e lani me ujë për 24 orë. Mushkonja tigër fluturon rreth 200 m — pa larguar ujin e ndenjur, edhe te fqinjët, efekti është i shkurtër.

Ku i trajtojmë

• Oborre, kopshte dhe vila — ambientet e jashtme dhe gjelbërimi.
• Hotele, resorte dhe restorante me verandë ose kopsht, sidomos në bregdet.
• Bodrume, puseta dhe zona me lagështi në pallate.
• Kampe, ambiente pune të hapura dhe magazina.

Si e bëjmë

1. Inspektim: gjejmë çdo ujë të ndenjur — pjata vazosh, ulluqe të bllokuar, puseta, goma, kova — vatra kryesore e mushkonjës tigër.
2. Produkt biologjik kundër larvave në ujërat që nuk largohen dot: i ndalon para se të bëhen mushkonja, pa dëm për njerëz, kafshë dhe bletë.
3. Trajtim me efekt të zgjatur i gjelbërimit, mureve me hije dhe nën verandat — mushkonjat vdesin kur pushojnë aty; efekti zgjat 3–4 javë.
4. Mjegullim në mbrëmje për evente (dasma, sezon hoteli) ose shpërthime; për hotele dhe restorante program sezonal me kontratë dhe certifikatë DDD.

Çmimi

Çmimi varet nga sipërfaqja, lloji i ambientit dhe shkalla e problemit dhe caktohet pas inspektimit — preventivi është falas. Çmimet orientuese për Tiranën i gjeni te tabela e çmimeve në ballinë.

Lexoni edhe: Mushkonja tigër: si ta njihni dhe si të mbroheni · Dezinfektimi para verës: kur dhe çfarë duhet trajtuar · Dezinsektim mizash në Tiranë dhe gjithë Shqipërinë

Pyetje të shpeshta

Kur është koha më e mirë për trajtim kundër mushkonjave?

Para dhe gjatë sezonit të ngrohtë. Për hotele dhe restorante rekomandojmë trajtim periodik gjatë gjithë verës.

A trajtoni jashtë Tiranës, në bregdet?

Po, në gjithë Shqipërinë, me 4 grupe në terren. Për raste urgjente vijmë brenda ditës.

Sa kushton trajtimi i një vile me oborr?

Varet nga sipërfaqja dhe shkalla e problemit. Çmimi caktohet pas inspektimit, që është falas; çmimet orientuese për Tiranën janë te ballina.

Po nëse problemi rikthehet?

Vijmë përsëri pa pagesë shtesë, brenda të njëjtës pagesë, kur ta kërkoni. Garancia jepet me shkrim bashkë me certifikatën DDD.

Shërbime të tjera

Zonat në Tiranë

Qytetet